kuch naye pal

Ab tayari chal rahi hai ke kolkata se apna boriya bistar samet kar kisi aur shaher ki or apna ashiyana banaya jaaye !!
5 se 6 baras ek shaher mein raho aur uske baad sab khatm !!
Aaj IOC ki refinery mein itni bheeshan aag lagi , jiski wajah se karodo swaha ho gaye !!
kya likhoon , mann to bahut kuch likhne ko karta hai , par phir sochta hoon , aap sab itne gunijan hai , aapko kuch batana suraj ko roshni dikhane jaisa hai !!
naye palon ki baat kar raha tha main !! Deepawali ke ho jaane ke baad se na jaane jeevan mein kuch khushiyon sa maahaul ban pada hai !! saare kaam hote jaa rahe hai , sab kuch apne aap hota chala jaa raha hai !!

Swtantrata Diwas

Azzadi ki aaj 62 vi varsh gaath manayi gayi .saara din news channelon par shahrukh khan ki dastaan dikhayi gayi ki kis tarah se unko US mein apmaanit kiya gaya aur unhein do ghanton tak airport par bithaye rakha.
Azzadi ke din bhi log pana dukhda lekar baith jaate hai .Har cheez ko badha chadha kar batana .aiport par frisking karna bhi to zaroori hai , aur har aiport par ye bhi pehle se hi likha -darshaya jaata hai ki aapko frisking mein madat karni hogi , phir kyon itna bakheda???
aaj aapke saath hua isiliye pura asmaan sir pe uthe liya .Kyon ?? itne dino tak dusron ke saath ho raha tha , tab janab kahan the ??
mujhe is baat ki hairani hoti hai ki hum apne atithiyon ka kitna aadar satkar karte hai , aur wo hamare saath aisa suluk kyon karte hai ??
par haan , aaj shah rukh ki Swades Film dekhi , bahut achcha laga.kaafi acchi film hai ...zaroor dekhiye!! apni mitti ki saundhi khushboo ki baat hi kuch aur hai !!
apna desh, apni mitti , apne log , apne sanskar ...sach mein , in jaisi baat aur kahan??

Bas aaj bhar ke liye itna hi !! Jai Hind !!

MOTHERS DAY

aaj ke din ki khaasiyat hi kuch aur hai .maa shabd hi saare takleefon ka ant kar deta hai .meri maa -saara jeevan mujhe ek achcha aur kamyaab insaan banane ke liye khat-ti rahi .apna jeevan pura laga diya .naukri ki, apna dukh sukh bhool ke sirf isi baat ke liye mehnat karti rahi ki ek din main ek bada aadmi banoo. aaj jo kuch bhi hoon , unki duao aur shikshaoon ke bal par hi hoon .

aaj unke liye maine ek chota sa programme banaya.unhe subah mandir lekar gaya.papa ke saath milkar dher saari masti ki unke saath.phir ek movie dekhi .Bas wo hush.aisi hi hoti hai maayein !!
Happy mothers day !!

bachpan

maharashtra ke ek chote se shaher mein peri paidaish hui.mere mata -pita madhyam vargiya jeevan shaili se the .hamara bachpan bas maze se beeta.koi pareshani nahi , bas padhai , khel kood , masti -mauj , kewal sukh hi sukh.aur hota bhi kya hai bachpan mein.kendriya vidyalay se shiksha grahan ki .sangeet , khel-kood , gaana -bajana yahi sab shauk raha hamara.un dino itni competition nahi thi .bas har cheez mein bhaag le lete the.school aur bachpan sabse yaadgaar hote hai , sabhi ke liye.hamara bhi bachpan sach much yaadgaar raha.

Pehla din pehli shuruat

bas yoon hi mann mein khayal aaya ki aaj se apni diary internet pe hi likhi jaye.roz roz diary likhne s achcha hai internet par hi update kiya jaaye.
kuch apne bhi padh liya karenge in cheezon ko. vaise khyaal bura nahin hai , ap sab bhi ise apna sakte hain.
aane wale dino mein internet ka hi bol-bala hone wala hai , kya jaane kaun kab aapke baare mien jaan ne ko utsuk ho jaaye .
to aaj mera pehla din , pehli shuruat hai .
aap sabhi ka sawagat hai .